Музей прыроды і экалогіі, філіял Нацыянальнага гістарычнага музея Рэспублікі Беларусь, сумесна з камітэтам па адукацыі Мінскага гарадскога выканаўчага камітэта і Мінскім дзяржаўным палацам дзяцей і моладзі прадстаўляюць выставу маладых мастакоў “Бачныя вобразы беларускай прыроды”.

На выставе можна будзе ўбачыць лепшыя працы дзяцей 8-17 гадоў, навучэнцаў мінскай мастацкай студыі “Сфера”, якія прымалі ўдзел у гарадскім праекце “Маладыя таленты сталіцы”. Дадзены праект – гэта першая спроба перадаць свае пачуцці на паперы і прадэманстраваць свой талент.

Малюнкі прысвечаны мастацкаму разважанню дзяцей аб беларускай прыродзе. У сваіх працах яны паказалі іх навакольны свет у штодзеннём жыцці, прыроду ў розных яе праявах. Пераносячы на паперу свой погляд на свет, дзеці вучацца бачыць вакол сябе прыгажосць, а гэта значыць – любіць сваю зямлю, сваю Радзіму – Беларусь. 

Працы выкананы акварэллю і акварэльнымі алоўкамі.

Настаўнікі мінскай мастацкай студыі “Сфера”: Лазоўская Жанна Паўлаўна, Шавелька Ілона Сяргееўна.

Уваход вольны.

г. Мінск, вул. К. Маркса, 12

Без выхадных 

з 11:00 да 19:00

тэл. 363-96-33

pryroda@histmuseum.by